ПОВИК ЗА СТУДЕНТИ
Иновирај за животната средина

Аплицирај за учество на иновацискиот камп посветен на предизвикот „Искористување на природните потенцијали на Малешевијата во соработка со ЕДУКАТИВЕН ЦЕНТАР ЗА ЗАЧУВУВАЊЕ НА ПРИРОДАТА-НЕГРЕВО“ каде што ќе имаш можност во рок од 48 часа во тим од 5 луѓе да работиш на креирање на најиновативното решение. Победничкиот тим добива 120000 денари за реализација на решението.

Иновацискиот камп е техничко-технолошки настан за студенти на кој се генерираат нови и возбудливи идеи, справувајќи се со предизвик на заедницата, а во нашиот случај животната средина и климатските промени.

Целта на предизвикот е да се креираат едукативни функционални показни средства користејќи ги природните потенцијали на регионот (сонце, вода и ветар) кои ќе бидат составен дел од понудата на Едукативниот центар во надворешниот дел од објектот (дворот).

Детален опис на предизвикот има на следниот ЛИНК.

Потребно ти е практично искуство во твоите студии?

Сакаш да бидеш дел од интердисциплинарен тим од мотивирани студенти?

Имаш интерес за дизајнирање едукациски искуства, визуализација на податоци и простори, кодирање, биологија и слично?

Учеството на иновацискиот камп ќе ти овозможи:

• Да развиеш вештини кои не секогаш се учат на факултет (тимска работа, креативност, решавање на проблеми, работа под притисок)
• Да работиш со студенти од различни области, насоки и вештини
• Да учиш од стручни ментори кои ќе бидат дел од Инокампот
• Да стекнеш ново знаење од делот на животната средина и предизвикот на кој ќе работиш
• Да освоиш 120000 денари и да го реализираш победничкото решение

Инокампот ќе биде практично, иновативно и забавно искуство со времетраење од 3 дена. Инокампот ќе се одржи од 16 до 18 мај во Пехчево и во Берово.

На Инокампот ќе учествуваат 25 студенти, кои ќе бидат индивидуално избрани, а на самиот настан според посебна методологија ќе бидат поделени во 5 тима по 5 учесника.

Интензитетот и динамиката ја одредуваат самите учесници, а ние како организатори ќе се погрижиме да ги имате сите услови за да издржите 48 часа.

Ветуваме неограничено кафе, ограничена храна и пијалоци и неограничено користење на fun зоната на Инокампот.

Инокампот ќе кулминира со Pitching сесии на секој тим пред жири комисија на третиот ден. По завршувањето на сесиите ќе биде прогласен победникот.

За сите учесници ќе бидат обезбедени сертификати.

Генералната агенда на настанот ќе биде следна:

Повикот е отворен за сите студенти од природните и техничките науки кои што се запишани на еден од акредитираните универзитети во С. Македонија.

Студенти од општествени науки ќе бидат земени во предвид само доколку имаат специфично искуство во делот на природните и техничките науки како и животната средина, а поврзани со специфичниот предизик

Аплицирањето е со пополнување на следната ФОРМА.

Рокот за аплицирање е 08 мај

Сите трошоци поврзани за време на Инокампот (храна и пијалаци) ќе бидат обезбедени од организаторите.

Студентите кои ќе бидат избрани и доаѓаат надвор од Скопје ќе им бидат покриени патните трошоците и трошоците за сместување во Скопје.

Проектот „Иновациски кампови во сорабока со Мрежата за искуствено учење“ е реализиран од Здружението LEAD во партнерство со УНИЦЕФ и со финансиска поддршка на Шведска.